Еуразиялық экономикалық комиссия алқасы 16 ақпанда бағалы және жартылай бағалы тастың жекелеген түрлерін әкелу кезіндегі кедендік баж салығын екі жыл мерзімге тоқтатуды ұйғарды. Олар зергерлік өнеркәсіпте қолданылатын табиғи немесе жасанды изумруд, сапфир, рубин, джейд, александрит және басқалары, — деп хабарлайды Tengrinews.kz тілшісі одақ баспасөз қызметіне сілтеме жасап.
«Еуразиялық экономикалық одақ елдерінде зергерлік бұйымдар дайындауға арналған түсті бағалы және жартылай бағалы тас өндірісі сұранысты қанағаттандырмайды. Осыған байланысты шикізатқа баж мөлшерін төмендету зергерлік саладағы шығынды азайтуға және дайын зергерлік бұйымның ішкі және сыртқы нарықтағы бәсекеге қабілеттілігін арттыруға ықпал етеді», — деп мәлімдеді ЕЭК сауда жөніндегі алқа мүшесі, министр Андрей Слепнев.
ЕЭК алқасы сыртқы экономикалық қызметтегі тауар номенклатурасы (СЭҚ ТН) салмағы 0,3 караттан кем табиғи алмастарды он таңбалы код деңгейінде бөліп көрсетті. Бұл сыртқы тауар саудасын кедендік-тарифтік реттеу шараларын одан әрі өзгерту мақсатында ЕАЭО аумағына әкелінуін есепке алуға және талдауға мүмкіндік береді.
