АҚШ президенті Джо Байден коронавирус пандемиясына байланысты елдегі төтенше жағдай режимін ұзартты. Бұл туралы Ақ үй хабарламасында жазылған, — деп хабарлайды РИА Новости.
«COVID-19 пандемиясы адамдардың денсаулығы мен елдің қауіпсіздігіне айтарлықтай қауіп төндіреді. Осыған байланысты 2020 жылдың 13 наурызында жарияланған және 2020 жылдың 1 наурызында күшіне енген төтенше жағдай 2021 жылдың 1 наурызынан кейін де жалғасуы керек… Мен ұлттық төтенше жағдай режимін ұзартамын», — делінген Байден қол қойған құжатта.
Кеше АҚШ-та коронавирустан қайтыс болғандар саны 500 мыңнан асты. Жалпы Америка Құрама Штаттарында коронавирус жұқтырғандар саны 28 миллионнан асады.
Айта кетейік, Дүниежүзілік денсаулық сақтау ұйымы жаңа COVID-19 коронавирус инфекциясының өршуіне байланысты 2020 жылы 11 наурызда пандемия жариялаған болатын.
