«Дені сау ұлт – қуатты елдің кепілі»

   Денсаулық-адамның ең бағалы байлығы. Адам денсаулығының жақсы болуы оның өмір сүру сапасын, қоғамдағы белсенділігін және елдің даму көрсеткіштерін айқындайды. Сондықтан ұлттың денсаулығы — мемлекеттің болашағы мен тұрақты дамуының кепілі. Дені сау ұлт болашақтың жарқын болуын қамтамасыз етеді, өйткені әрбір азаматтың денсаулығы қоғамның әлеуетін арттырады, еңбек өнімділігін жоғарылатады және жалпы халықтың әл-ауқатын жақсартады.Осы жайтты ескере отыра Әл Фараби атындағы атындағы ҚазҰУ-дың заң факультеті кеден, қаржы және экологиялық құқық кафедрасы БҰҰ-ның Тұрақты даму мақсаттары 3-мақсаты«Жақсы денсаулық және салауатты өмір салты» шеңберінде белсенді жұмыс атқаруда. Денсаулық сақтау саласы қоғамның әл-ауқаты мен тұрақтылығының негізгі негізі болып табылады. Елдің дамуында денсаулықтың рөлі зор. Егер халықтың көпшілігі дені сау болса, қоғамның жалпы еңбек өнімділігі артып, экономиканың дамуына ықпал етеді. Денсаулығы мықты адам өз өмірінде көп нәрсеге қол жеткізеді, оның ішінде кәсіби жетістіктер мен жеке өмірде қуанышқа ие болу да бар. Ал керісінше, денсаулығы нашар адамдар еңбекке жарамсыз болып, мемлекеттің экономикалық ресурстарына айтарлықтай салмақ түсіреді. Қоғамның денсаулығын сақтау тек медициналық салада ғана емес, әлеуметтік, экономикалық және экологиялық бағыттарда да шаралар қабылдауды талап етеді. Сондықтан да дені сау ұлттың қалыптасуы – мемлекет үшін маңызды әлеуметтік жауапкершілік. Салауатты өмір салты – денсаулықты сақтау мен нығайтудың негізі. Ұлттың денсаулығын жақсарту үшін әрбір азаматтың күнделікті өмірінде дұрыс тамақтану, тұрақты физикалық белсенділік, зиянды әдеттерден (темекі шегу, алкоголь тұтыну) бас тарту сияқты аспектілер маңызды. Бұл – әр адамның жеке жауапкершілігі, сондай-ақ қоғам мен мемлекет тарапынан қолдау көретін бағыттар.Кафедрамызда  салауатты өмір салтын насихаттаудың белсенді жұмыстарын жүргізу үшін түрлі бағдарламалар іске асырылуда. Мысалы, білім алушылар арасында спортты дамыту, денсаулықты қорғау шараларын ұлғайту, сондай-ақ дұрыс тамақтану мен дене шынықтыруға қатысты түрлі шаралар өткізілуде. Осының нәтижесінде, студенттер арасында салауатты өмір салтына деген қызығушылық артты.Дені сау ұлт қалыптастырудағы ең маңызды қадамдардың бірі-жастарды салауатты өмір салтына баулу. 

    Дені сау ұлт — елдің болашағының кепілі. Ұлттың денсаулығын сақтау мен нығайту мемлекет үшін ең маңызды міндеттердің бірі болып табылады. Бұл міндетті жүзеге асыру үшін халықтың әрбір мүшесінің денсаулығына қамқорлық жасау, салауатты өмір салтын насихаттау, денсаулық сақтау жүйесін дамыту және экологиялық жағдайды жақсарту қажет. Бұл шаралар тек денсаулықты қорғау үшін ғана емес, сонымен қатар елдің экономикалық және әлеуметтік дамуы үшін де маңызды.Елімізде денсаулық сақтау жүйесін жетілдіру, салауатты өмір салтын қалыптастыру мен экологиялық жағдайды жақсарту бойынша көптеген оң шаралар қабылданып жатыр. Егер әрбір азамат өз денсаулығына жауапкершілікпен қараса, болашақ ұрпақтың дені сау болуы, елдің табысты дамуы қамтамасыз етіледі. Дені сау ұлт – бұл елдің жан-жақты дамуының негізі.

Куаналиева Г.А.

Әл-Фараби атындағы  ҚазҰУ-дың заң факультеті кеден, қаржы және экологиялық құқық кафедрасының заң ғылымдарының докторы, профессор