ДДҰ сарапшылары коронавирустың шығуына қатысты тергеудің мән-жайын айтты, — деп хабарлайды РИА Новости.
Агенттік сұрақтарына ресейлік ДДҰ сарапшысы Владимир Дедков жауап берді. Оның айтуынша, жаңа коронавирус инфекциясы Қытайдың Ухан қаласындағы теңіз өнімдері сатылатын базардан тараған деп айтуға негіз бар, бірақ ол вирус нақты сол жерден шықты дегенді білдірмейді.
«Біз базарда болдық. Мен Қытайдың санитарлық ережелерімен қатты таныс емеспін, бірақ мынаған қарап, біздің заңнамаға экстраполяция жасап, базар мінсіз деп айтуға келмейді. Ол жерде не болғаны белгісіз, вирус нақты сол жерден тарағаны туралы ешқандай дәлел жоқ. Бәлкім вирус басқа жерден тараған шығар. Бірақ гипотезалық көзқарас бойынша, вирус сол жерден тарады деп айтуға негіз бар», — дейді Дедков.
«Біз үшін, әрине, мұндай нысанды аралау, әріптестерімізбен сөйлесіп, ол жердегі ұйымдасу жұмысын көру маңызды болды. Бәрі жақсы ұйымдастырылған. Зертхананы кім сынағанын білмеймін. Ол жерден бірнәрсе шыққанын елестету мен үшін қиын», — дейді сарапшы.
Дедков гипотезалық көзқарас бойынша бәрі мүмкін екенін, бірақ «біріншіден, оған ешқандай алғышарт жоғын, екіншіден, вирус нақты сол жерден тарағаны туралы тура не жанама дәлел жоғын» атап өтті.
«Зертхана жақсы, тіпті керемет десем де болады. Олар немен айналысатынын, қазір қандай жұмыс атқарып жатқанын айтып, бәрін көрсетті», — деді Дедков.
