Тараз станциясындағы Желіліп полиция бөлімінің қызметтік аумағында ағымдағы жылдың 10-14 наурыз аралығында «Дәрмек» жедел-профилактикалық іс-шарасы ұйымдастырылуда. Аталған жедел-профилактикалық іс-шараның негізгі мақсаты – есірткі құралдарының, психотроптық заттар мен прекурсорлардың заңсыз айналымы саласындағы құқық бұзушылықтарды анықтау және «дәріхана» нашақорлығы деп аталатын аурудың таралуының жолын кесу.
Бұл шара сонымен қатар химиялық-фармацевтикалық, өнеркәсіптік субъектілерде құрамында есірткі құралдары мен психотроптық заттар бар дәрілік заттардың заңсыз айналымының алдын алуды, сондай-ақ жеке кәсіпкерлікте, дәріханалар мен медициналық мекемелерде және арнайы рұқсатсыз жеке медициналық практикамен және жеке фармацевтикалық қызметпен айналысатын тұлғаларды анықтау.
Сонымен қатар, Тараз ст. ЖПБ Есірткі қылмысына қарсы іс-қимыл бөлімшесінің қызметкерлерімен «Дәрмек» ЖПІШ негізінде әуе және теміржол көлік нысандарында құрамында есірткі құралдары, психотроптық заттар мен прекурсорлар бар дәрілік заттарды сақтау, есепке алу, жазып беру, босату ережелерін бұзуды, олардың заңсыз айналымға кету деректерін анықтау және жолын кесу мақсатында іс-шаралар ұйымдастырылуда.
Тараз ст. ЖПБ Есірткі қылмысына қарсы іс-қимыл бөлімшесі
