Ресейлік дәрігерлер миына шарикті қалам кіріп кеткен адамды құтқарып қалды. 37 жастағы ер адамның көзінен бас сүйек қуысына, алдынан артына дейін миына кіріп кеткен қалам шығарылды, — деп хабарлайды Tengrinews.kz тілшісі.
Науқас түнде қалалық жедел жәрдем ауруханасына жеткізілген.
«Шарикті қалам мидағы маңызды тамырлар мен бағананы зақымдамай, 1 миллиметр жетпей жанап өткен. Бұл таңғажайып жағдай. Отаны мүмкіндігінше мұқият жүргізу үшін дәрігерлер шеберлігі қажет болды», — делінген аурухананың Instagram-парақшасында.
Айта кетейік, 2020 жылы қаңтарда Алматы қаласы Балалар шұғыл медициналық көмек орталығының дәрігерлері «құйымшақ аймағының тератомасы» диагнозымен жаңа туған нәрестеден үлкен ісікті алып тастаған еді.
