Чехияда коронавирус инфекциясының жаңа мутациясы анықталды. Бұл туралы Чехия телевизиясы мәлім етті, — деп хабарлайды «Известия».
Штамм Брнодағы Elisabeth Pharmacon зертханасының қызметкерінен табылған. Бұл зертхана коронавирус сынамасын өткізумен айналысады.
Дәрігерлердің айтуынша, COVID-19 жаңа мутациясы вирустың ұлыбританиялық немесе оңтүстікафрикалық штамына қарағанда қауіпті емес. Зертхана директоры Омар Шери қазіргі вакциналар бұл штамға қарсы тиімді екенін мәлімдеді. Ғалымдар қазір жаңа штамды зерттеп жатыр.
