ҰБТ-2022-де 140 балдың 139-ын жинаған екі талапкердің ұпайы жойылды. Бұл туралы Ұлттық тестілеу орталығының директоры Руслан Емелбаев Instagram-да жазды, — деп хабарлайды Tengrinews.kz тілшісі.
Бейне бақылау камерасын қайта тексеру барысында Ұлттық бірыңғай тестілеуді тапсыру кезінде түлектердің алдау деректері анықталған. Қазіргі уақытта жоғары балл жинаған талапкерлердің тағы 100-ден астам видеосы тексеріліп жатыр.
«Құрметті, талапкерлер! Өзіңізді де, өзгелерді де алдаудың қажеті жоқ. Ең дұрысы армандарыңызға адал жолмен жетiңiздер. ҰБТ-2022-де терең білімінің арқасында 140 БАЛЛ жинайтын тест тапсырушы табылады деп сенеміз. Ол дәл сіз болуыңыз мүмкін, біз сізді күтеміз!» — дейді Руслан Емелбаев.
