Төтенше жағдайлар министрлігі өкілдері Орал қаласында Жайық өзенінің су деңгейі біртіндеп төмендеп жатқанын айтты, — деп хабарлайды Massaget.kz тілшісі.
ҚР ТЖМ өкілі Асқар Шәріп саяжайда қалып қойған тұрғындардың бар-жоғын тексеру үшін аралау жұмысы жалғасып жатқанын мәлімдеді.
«Осы сағатта республика бойынша 31 112 адам өз үйіне оралды. 8 566 адам, оның ішінде 3 718 бала эвакуациялау пункттерінде. 5 677 тұрғын үй мен 2 584 аула аумағынан судың бағыты бұрылып, су сорылды. 11,7 миллион текше метрден аса еріген қар суы сорып шығарылды, 5,5 миллион қапшық және 1,5 миллион тонна инертті материал төселді», — деді ол.
Авариялық-құтқару және су тасқынына қарсы жұмыстарға 32 мыңнан аса адам, 4 мың техника, 773 су сору құралы, 294 жүзу құралы, 13 әуе кемесі жұмылдырылған.