Шығыс Қазақстан облысы Үржар ауданы әкімдігінің халықты жұмыспен қамту орталығының ұйымдастыруымен Үржар ауылының мәдениет үйінде бос жұмыс орындары жәрмеңкесі ұйымдастырылды.
«2021-2025 жылдарға арналған кәсіпкерлікті дамыту жөніндегі ұлттық жобасы» аясында бұл шарада 29 жасқа дейінгі жастарға «Алғашқы жұмыс орыны», «Жастар практикасы», «Ұрпақтар келісім-шарты» бағыттары бойынша түсіндірме жұмыстары өткізілді. Оған ШҚО бойынша ҚАЖД Үржар аудандық №1 пробация қызметінің есебіндегі сотталған азматтар да қатысып, тұрақты жұмыс орындарына жолдама алды. Атап өтетін болсақ бас бостандығын шектеу жазаларына сотталған екі азамат Үржар ауылында орналасқан «Нияз» құрылыс дүкеніне жұмысшы ретінде және «Урджар РайГаз» мекемесіне жолданып, алдағы уақытта тұрақты жұмыспен қамтылатын болады.
Пробация қызметі туралы заңның басты талаптарының бірі бас бостандығынан айырумен байланысты емес жазаға сотталғандарды қоғамға бейімдеу, жергілікті атқарушы органдармен бірлесіп олардың тұрмыстық әлеуметтік жағдайларын жаңдандыру болып табылады. Сондықтан бұл бағыттағы жұмыстар алдағы уақытта да жүргізілетін болады.
Б.ЕРДЕНБЕКОВ,
ШҚО бойынша ҚАЖД Үржар аудандық №1 ПҚБ бастығы, әділет майоры
