Қостанай қаласының тұрғыны Серік Сарбасов Біржолғы зейнетақы төлемдерін қолданып баспаналы болған екінші қазақстандық атанды, — деп хабарлайды Tengrinews.kz тілшісі.
«Отбасы банкінің» мәліметінше, қостанайлық тұрғын бастапқы жарна ретінде пәтер құнының жартысын толықтырып несиені 8.5 пайыз мөлшерлемемен алды.
«Ол 1 ақпан күні қаражат арнайы шотына түсіп, 2 ақпан күні сатып алу-сату шартына қол қойып, жаңа пәтерінің кілтін алған. Ипотеканы Отбасы Банкінде — аралық заем арқылы рәсімдеді. Яғни бастапқы жарна ретінде пәтер құнының жартысын толықтырып несиені 8.5 пайыз мөлшерлемемен алды, ал бір жарым жылдан соң несие мөлшерлемесі 5 пайызға дейін төмендейді», — делінген банктің Instagram желісіндегі парақшасында.
