1989 жылдың 15 ақпанында Кеңес Одағының үкіметі Ауған аумағынан әскерлердің шектеулі контингентін шығарды. Көптеген кеңес сарбаздары үшін бұл жүрегінде мәңгі тыртық болып қалды.
Ауған соғысының соғыс қимылдарына 78 айыртаулықтар қатысты, олардың үшеуі аудан жадында мәңгі жас батырлар болып қалды. Біздің жерлестеріміздің төртеуі «Ерлігі үшін» медалімен марапатталды, Нижний — Бурлук ауылының тұрғыны Бөгенбай Ахметов бұл медальға екі рет ие болды. «Жауынгерлік еңбегі үшін» медалімен екі айыртаулықтар марапатталды. Біздің жерлесіміз Руслан Аушевке Кеңес Одағының батыры атағы берілді, қазір ол ТМД Үкіметі басшыларының Кеңесі жанындағы жауынгер-интернационалистер комитетінің төрағасы болып табылады.
Осы бейбіт уақытта обелискінің батырларын еске алу үшін Ауған соғысының жауынгерлеріне арналған естелік іс-шара өтті. Осы соғыста қаза тапқандарды аудан әкімі Ерболат Бекенов, соғыс ардагерлері, Айыртау ауданының күш құрылымдарының қызметкерлері бір минут үнсіздікпен еске алды.
Іс-шараға ҚР ІІМ ҚАЖК «ЕС-164/8 мекемесі» РММ атынан мекеме бастығы әділет подполковнигі Жаркынбек Қалымбеков қатысты. Интернационалист-жауынгерлерге ескерткішке аза тұту гүл шоқтарын қою құрметіне режим бөлімінің бастығы әділет капитаны Айбол Қожахметов пен тәрбие бөлімнің бастығы әділет майоры Куаныш Ашкенов ие болды.
Бастықтың тәрбие жұмысы жөніндегі орынбасары
әділет майоры О.Құтұбаев
