Бас прокуратура цифрлық даму, инновациялар және аэроғарыш өнеркәсібі министрлігімен бірлесіп, stopterrorism.kz веб-сайтын іске қосты, — деп хабарлайды Tengrinews.kz тілшісі Gov.kz сайтына сілтеме жасап.
Азаматтар stopterrorism.kz сайтына биыл болған басқыншылық әрекеттер мен жаппай тәртіпсіздік туралы видео, фото және аудиожазбаларды жасырын түрде жүктей алады.
«Қазір прокурорлар дәлелдерді тіркеп, қылмыскерлерді видеолар бойынша анықтап жатыр. Сонымен қатар, азаматтарға 115 call-center-ге берген ақпараты үшін алғыс білдіреміз», — деді бас прокуратура өкілі.
