Қазiргi уақытта Қазақстан Республикасының заңнамаларында көптеген өзгерiстер мен толықтырулар енгiзiлуiне байланысты ауыр емес және орташа қылмыс жасаған сотталған адамға бас бостандығынан айыру жазасына басқа баламалық, яғни шартты мерзiмдi — бас бостандығынан шектеу сынды жаза қолдану тәжiрибеге енгiзiлді.
Бұл бiрiншi рет сотталған адамды мүлдем қоғамнан оқшаулап, темiр тордың арғы жағына жiберiп, өмiрiн күрт өзгертiп, қоғамнан мүлдем алыстатып жiбермеудiң жолы.
Қоғамда өзжолын таба алмай, болашақтан үмiт үзiп, жұмыссыздықтан барып iшiмдiкке салынып кеткен азаматтар баршылық. Осы себептердiң салдарынан көптеген қоғамнан оқшаулаумен байланысты емес сотталғандар қайталап қылмысқа барады.
Яғни, терiс әдеттерге бейiмделген адам өз адамгершiлiк қасиеттерiн артқа тастап, ұрлық жасау, бұзақылық, адам тонау сияқты қылмыстар жасайды. Сондықтан Пробация қызметi осындай азаматтар мен профилактикалық жұмыс жүргiзiп, жергiлiктi атқарушы органдардың көмегiмен жұмысқа орналастырып, олардың қоғам ортасынан өз орындарын табулары үшiн ұйымдастыру жұмыстарын жандандыра түсуде.
Ақжар аудандық пробация қызметі бөлімшесінің
инспекторы, әділет майоры Р.С. Кульмагамбетов