“Бақыттың кілті өз қолыңда!”

Бақытты болу үшін асып-тасқан бай не болмаса атағың жер жарған атақты болудың қажеті жоқ сияқты. Ең бастысы өмірге келген соң өзіңнің жолыңды қалыптастыру. Ол дұрыс жол бола ма, теріс жол бола ма өзіңе байланысты. Бірақ, бір нәрсені білген абзал: “Бақыттың кілті өз қолыңда”. Осындай тақырып аясында 05.07.2024 жылы Атырау облысы бойынша ҚАЖД №79 мекемесінде сотталған азаматшаларға дөңгелек үстел ұйымдастырылды. Шараға Атырау облысы Ішкі саясат басқармасының “Қоғамдық келісім” КММ Қазақстан халқы Ассамблеясы құрылымдарымен жұмыс және қоғамдық-көпшілік шараларды ұйымдастыру бөлімінің басшысы К.Мусагалиева, “Алтын шаңырақ” Аналар кеңесінің мүшесі, практикалық коуч психологтар А.Сагнаева және М.Муханбеткалиева ханымдар арнайы шақыртылды. Шара соңында тренинг жаттығулар да жүргізіліп, жазасын өтеушілер бір сергіп қалды. Алдағы уақытта да меморандум аясында осындай іс-шаралар жалғасын таппақ.