Гүлмира СҰЛТАНӘЛИ,
Желтоқсан көтерілісінің қатысушысы, Қазақстан
Республикасының Қырғыз Республикасындағы
елшілігінің кеңесшісі, Бірінші сыныпты кеңесші
дәрежелі дипломат:
Желтоқсан оқиғасы және еліміздің тәуелсіздігі мен үшін егіз ұғым. Өйткені, 1986 жылы желтоқсан көтерілісі қазақ жастарын орталықтың әділетсіз шешіміне қарсы бас көтеруге жетелеген халқымыздың ғасырлар бойғы арманы еді.
Алаш ардақтылары ақталып, Міржақыптың «Оян, қазағы» әрбір жүрекке жол тауып, ұлттық сананы оятқан тұсы еді бұл. Осы ғасырлар бойы булыққан ұлттық рух ашық түрде отарлық саясатқа қарсы шығып, «қарсылық мүмкін емес» деген психологиялық тосқауылды бұзуы азаттық таңын жақындатты емес пе?
Кеңес одағы ыдыраған кезде қазақ халқы өзінің тәуелсіздігіне рухани тұрғыда дайын болды. Желтоқсан көтерілісі тәуелсіздігімізге моральдық негіз қалап, азаттықтың үлкен құрбандықпен келгенін, оны тек саяси акт ретінде ғана емес, тарихи әділеттілік ретінде қабылдауға ықпал етті. Егемендігімізді күн санап нығайту қажеттігін түсіндірді.
