ҚР Мемлекеттік қызмет істері агенттігінің Алматы қаласы бойынша департаментіне (бұдан әрі-Департамент) азамат жүгінді. Ли г.в. атынан сенімхат бойынша әрекет ететін О. С. Тәжібаева (бұдан әрі — көрсетілетін қызметті алушы), ол 2014 жылдан бері ұзақ уақыт бойы жер учаскесіне құқық белгілейтін құжаттарды ресімдей алмады.
Атап айтқанда, 2011 жылы көрсетілетін қызметті алушы мәмілені заңды түрде нотариалды ресімдеп, оны уәкілетті органда тіркей отырып, Алматы облысында жер учаскесін сатып алды.
2014 жылы Президенттің №789 Жарлығымен Алматы қаласының шекараларының кеңеюіне байланысты аталған жер учаскесі Алматы облысынан Алматы қаласына қосылды және қаржылық қиындықтар мен мүмкіндіктің болмауына байланысты көрсетілетін қызметті алушы құжаттарды қайта ресімдей алмады.
Кейінірек, 2023 жылы көрсетілетін қызметті алушы жер учаскесіне мемлекеттік актіні одан әрі алу мақсатында жерге орналастыру жобасын бекіту үшін Алматы қаласының жер қатынастары басқармасына жүгінді, алайда ол ақпараттық жүйеде жер учаскесінің меншік иесі туралы мәліметтердің жоқтығына сілтеме жасай отырып, мемлекеттік қызмет көрсетуден бас тартты.
2024 жылы Департаментке өтініш білдірген соң, Департамент өтініш берушінің құқықтарын қалпына келтіру бойынша шаралар қабылдады.
Өтінішті қарау қорытындысы бойынша Департаменттің ұсынысы бойынша бұрынғы облыстық мемлекеттік актісі бар жер учаскесіне Алматы қаласының қалалық жоспарлау және урбанистика басқармасында жаңа мекенжай берілді, ал Алматы қаласының «Азаматтарға арналған үкімет» МК КЕАҚ филиалында ақпараттық жүйелерде тиісті түзету жасалды.
Кейіннен Алматы қаласы «Азаматтарға арналған үкімет» МК КЕАҚ филиалының Жылжымайтын мүлік басқармасында жылжымайтын мүлікке құқықтарды тіркеу жүргізілді.
Жүргізілген жұмыстың қорытындысы бойынша ақпараттық жүйеге жер учаскесінің меншік иесі туралы ақпарат енгізілді, Алматы қаласының жер қатынастары басқармасы жерге орналастыру жобасын бекітті, бұл көрсетілетін қызметті алушыға жер учаскесіне жаңа мемлекеттік актіні алуға одан әрі құқық берді.
Нәтижелерге қанағаттанған қызметті алушы Департаментке ұзақ мерзімді проблеманы шешкені және оның бұзылған құқықтарын қалпына келтіргені үшін алғыс білдірді.
Жаңбыршиев Мақсат Мұратбекұлы — Мемлекеттік қызмет істері агенттігінің Алматы қаласы бойныша департаментінің Мемлекеттік қызметтер басқармасы басшысы
