Қазақстанның бес облысында ауа райының қолайсыздығына байланысты 2 наурызға ескерту жарияланды, — деп хабарлайды Tengrinews.kz тілшісі «Қазгидромет» РМК орталығына сілтеме жасап.
Дауыл туралы ескерту мына өңірлерде жарияланды:
- Қостанай облысында. Мұнда кей жерлерде тұман түсіп, боран соғады. Батыстан, оңтүстік-батыстан күндіз кей жерлерде секундына 15-20 метрге дейін жел соғады.
- Түркістан облысының кей жерлерінде тұман түседі. Батыстан соғатын желдің жалдамдығы күндіз кей жерлерде секундына 15-20 метрге жетеді.
- Шығыс Қазақстан облысында күндіз жаңбыр, қар жауады. Күндіз кей жерлерде көктайғақ, бұрқасын, тұман болады. Оңтүстік-шығыстан соққан жел оңтүстік-батысқа ауысып, секундына 15-20 метрге дейін жетеді. Өскемен мен Семейде желдің жылдамдығы секундына 15-18 метрге жетеді.
- Ақмола облысының кей жерлерінде тұман, бұрқасын, көктайғақ болады. Оңтүстік-батыстан секундына 15-20 метрге дейін жел соғады.
- Батыс Қазақстан облысында тұман түсіп, көктайғақ болуы мүмкін. Күндіз оңтүстік-батыстан жел секундына 15-20 метр жылдамдықпен соғады.