ҚР бас санитарлық дәрігері Айжан Есмағамбетова облыстардың, Алматы, Нұр-Сұлтан, Шымкент қалаларының әкімдері COVID-19 сырқаттанушылығының өсуі 7 күн ішінде 7%-дан асатын деңгейге жеткен жағдайда қандай шараларды жүзеге асыра алатындарын айтты, деп хабарлайды Stan.kz ақпарат агенттігі.
БАс санитарлық дәрігердің қаулысына сәйкес облыс және қала басшылары:
1) екі және одан көп адамның бірлесіп серуендеуі кезінде масканы міндетті түрде кию және әлеуметтік қашықтықты сақтай отырып, халықтың тұратын жерінен еркін шығуына рұқсат беруді;
2) әлеуметтік қашықтықты сақтай отырып, 3 адамнан аспайтын топтармен немесе бір отбасы мүшелерінің саябақтарға, алаңдарға және скверлерге, ойын-сауық объектілері жоқ жағалауларға баруына рұқсат беруді;
3) әлеуметтік қашықтықты сақтай отырып, аулаға шығуға рұқсат (3 адамнан аспайтын топтар немесе бір отбасының мүшелері) беруді ;
4) күшейтілген санитариялық-дезинфекциялық режимді және Көліктегі бас мемлекеттік санитариялық дәрігер белгілеген қосымша талаптарды міндетті түрде сақтай отырып, Қазақстан Республикасының өңірлері арасында кіруге/шығуға (авиарейстер) рұқсат беруді;
5) саяжайға (қала сыртындағы үйге) бару үшін елді мекеннен шығуға/одан кіруге рұқсат беруді қамтамасыз ете алады.
