Қазақстандықтарға қандай жер телімі тегін беріледі?

Қазақстандықтар жеке тұрғын үй құрылысын салуға арналған 10 сотық жерден бөлек учаскелер алуға құқылы. 25 сотық жер жеке қосалқы шаруашылыққа және 12-сі бау-бақша өсіруге. Бұл туралы Жер кодексінің 50-бабында айтылған. Ауыл шаруашылығы министрлігі Жер ресурстарын басқару комитеті заңды түсіндіріп берді, — деп хабарлайды Tengrinews.kz тілшісі.

Кодекстің 50-бабында жер учаскелері азаматтарға жекеменшікке ақысыз беріледі делінген:

  • жеке қосалқы шаруашылық үшін (үй және егістік алқаптарын қоса алғанда) ауылдық жерлерде — 0,25 гектар суарылмайтын және 0,15 гектар суармалы жерлерде;
  • жеке тұрғын үй құрылысына — 0,10 гектар;
  • көгалдандыру, сондай-ақ саяжай құрылысына — 0,12 гектар.
Комитет жеке меншік үй учаскелері үшін жер ауылдық елді мекендерде беріледі деп түсіндірді.

«Үй маңындағы жер телімі ауыл шаруашылығы өнімдерін өндіру үшін, сондай-ақ сәулет, қала құрылысы және құрылыс қызметі туралы заңнамаға сәйкес тұрғын үй, шаруашылық-тұрмыстық құрылыстар салуға пайдаланылады. Сонымен қатар, ауылшаруашылық өнімдерін өндіруге жазық даладан жер телімін ауға болады», — деп толықтырды комитет өкілі.

Жеке қосалқы шаруашылық пен бау-бақша өсіруге арналған учаске азаматтарға тұрғылықты жеріне және тіркелген орнына қарамастан беріледі. Бұл ретте жер учаскесін алуға кезекке тұру заңнамада қарастырылмаған.

Жер учаскелерін алу үшін жерге құқық беру туралы өтініш өткізу қажет.

«Жеке қосалқы шаруашылық жүргізу мақсатына жер учаскелерін жекеменшікке тегін беру тек жер игерілгеннен кейін жүзеге асады.

Уақытша жерді игеру кезеңіне (жалдау) кодекстің 92-бабына сәйкес шарттар мен мерзімдер белгіленіп беріледі», — деп толықтырды комитет өкілі.

Айта кетейік, қазақстандықтар үй салу үшін 10 сотық жер алуға құқылы. Бірақ, соңғы мәліметтер бойынша, учаскені алу кезегінде 1,5 миллионнан аса адам тұр. Бұл сан жыл санап артып келеді.

Таяу Шығыс: Сирияда миллиондаған адам үйлеріне оралды

Сирияда ұзақ жылдарға созылған қақтығыстардан кейін ел тұрғындарының бір...

АҚШ, Қытай және Ресей басшылары маңызды кездесу өткізуге дайындалуда

2026 жылғы 17 қарашадағы маңызды халықаралық жаңалықтардың бірі —...

Сот-заңнамалық реформалар тәуелсіздікті арттырады

Сот төрелігін, сондай-ақ, заңдарды жетілдіру заман талабы. Өйткені, бұлар...

Кәсіби этика сыбайлас жемқорлыққа жол бермейді

Ел Конституциясы адамға бағдарланған мемлекет қағидатына негізделген, сондықтан, мемлекеттік...

Впервые разработан законопроект с помощью ИИ-платформы AI-Quryltai

Проект нового закона «О цифровой и информационной безопасности детей»...