Қазақстанда зейнетке дейінгі азаматтарды жұмысқа орналастыруға көмек көрсетіледі

Қазақстанда зейнетке дейінгі азаматтарды жұмысқа орналастыруға көмектесетін бағдарлама енгізу жоспарланып отыр, — деп хабарлайды Tengrinews.kz тілшісі Еңбек және халықты әлеуметтік қорғау министрлігінің баспасөз қызметіне сілтеме жасап.

«Зейнет жасына дейінгі жұмыссыздарды жұмыспен қамту мақсатында «Күміс жас» арнайы жобасын жүзеге асыруды жоспарлап отыр. Бастама 2021-2025 жылдарға арналған кәсіпкерлікті дамыту жөніндегі ұлттық жоба шеңберінде жүргізіледі. Жыл сайын бұл жоба 5 мың адамды қамтиды деп жоспарланып отыр», — делінген ведомство хабарламасында.

Қазір «Күміс жас» жобасын ұйымдастыру және қаржыландыру тәртібін реттейтін нормативтік құқықтық акті әзірлеу бойынша жұмыс жүргізіліп жатқаны айтылды.

«Жұмыс берушілер мен қызметкерлерге бірқатар талап қойылады. Жобаға бір жылдан аса уақыт бойы жұмыс істеп келе жатқан және тұрақты салық, басқа да әлеуметтік аударымдар жүргізген, жалақы бойынша мерзімі өткен берешегі жоқ барлық меншік нысанындағы кәсіпорын мен ұйым қатысады.

Жоба бойынша жұмыс орындары тұрақты жұмыс орындарынан тыс құрылады. Мұндай жұмыс орындары ауыр жұмыстарда, еңбек жағдайы зиян және (немесе) қауіпті жұмыстарда, ұлттық кәсіпке сәйкес біліктілігі төмен қызметкерлердің 9-тобына жататын мамандықтар/кәсіптер бойынша құрылмайды», — деді министрлік қызметкері.

«Күміс жас» жобасына қатысу мерзімі 12 айдан аспайды және қатысу кезеңінде халықты жұмыспен қамту орталығы зейнет жасы алдындағы адамдар жалақысының бір бөлігін бюджет қаражаты есебінен субсидиялайды.

«Жалақыға берілетін ай сайынғы субсидия мөлшері жалақы мөлшерінің 50 пайызы болады, бірақ экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды, пайдаланылмаған еңбек демалысына өтемақыларды және банк қызметтерін ескере отырып, 30 АЕК-тен аспайды», — деді министрлік қызметкері.

Жұмыс беруші қатысу мерзімі аяқталғаннан кейін зейнетке дейінгі адамды зейнеткерлікке шыққанша тұрақты жұмыс орнына жұмысқа орналастырады.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.