Ұлттық статистика бюросының мәліметінше, 2021 жылдың төртінші тоқсанында бір қызметкердің орташа айлық атаулы жалақысы 275 580 теңгені құрады, деп хабарлайды Stan.kz ақпарат агенттігі .
Бұл ретте атаулы жалақы индексі 2020 жылдың сәйкес тоқсанымен салыстырғанда 118,2%-ды, нақты – 108,7%-ды құрады.
Салалық құрылымда ең жоғары атаулы жалақы тау-кен өнеркәсібінде және карьерлерді қазуда – 546,4 мың теңге (орташа республикалық деңгейден екі есе жоғары), қаржы және сақтандыру қызметінде – 520,7 мың теңге (1,9 есе), кәсіптік қызмет саласында тіркелді. Ғылыми-техникалық қызметке – 442 мың теңге (1,6 есе), ақпарат және коммуникация саласына – 370,1 мың теңге (тиісінше 1,3 есе).
Ауыл, орман және балық шаруашылығы салаларында орташа айлық атаулы жалақының төмен деңгейі тіркелді – 167,3 мың теңге және сумен жабдықтау; кәріз жүйесі, қалдықтардың жиналуын және бөлінуін бақылау – 169,1 мың теңге.
Өңірлер бойынша ең жоғары орташа айлық атаулы жалақы Атырау облысында байқалады – 420,4 мың теңге, бұл орташа республикалық деңгейден 1,5 есеге жоғары.
Солтүстік Қазақстан облысында оның құны 203 мың теңгені құрап, республикалық көрсеткіштен 26,3 пайызға төмен көрсетті.
