Қазақстанда пандемия соңына дейін салық демалысын енгізу ұсынылды

Мәжіліс депутаты Азат Перуашев пандемия аяқталғанға дейін зардап шеккен секторларда айыппұл мен өсімпұлды алып тастай отырып, салық каникулын енгізуді ұсынды. Мәжілісменнің айтуынша, қолданыстағы несие шарты аясында төлемді кейінге қалдыру мәселені шешпейді, тек қарыз жүктемесін күшейтеді, — деп хабарлайды Tengrinews.kz тілшісі.

«2020 жылғы 15 сәуірден бері Үкіметке, Ұлттық банкке және Қаржы нарығын реттеу және дамыту агенттігіне тоғыз сауал мен үндеу жібердік. Онда төлемдерді кейінге қалдырудың жартылай сипатына назар аудардық. Олардан өзара байланысты мәселенің барлық спектрін пысықтауды талап еттік. Қолданыстағы несие шарты шеңберінде төлемді кейінге қалдыру мәселені шешпейді. Бірақ қарыз жүктемесін көбейтеді. Мерзім аяқталғаннан кейін жинақталған төлемдер сомасы қарыздың негізгі сомасына қосылады және шарттың қалған мерзімінде ағымдағы төлем өседі», — деді Перуашев премьер-министрдің бірінші орынбасары Әлихан Смайыловқа жолдаған депутаттық сауалында.

Перуашев былтыр сәуір-мамырда фракция ұсыныстарды елемеу арқылы (1 қазан) алдағы уақытта бұл мәселеге оралуға тура келетінін ескерткенін айтты. Бірақ көп бизнес субъектісі уақыт жоғалтты, деді депутат.

«Талаптарымыз ескерілмеді. Егер Президенттің Жолдауын орындау үшін өткен жылдың күзінде бизнестің 8400 жобасына арналған несие қайта қаржыландырылған болса, кешегі «Ақ жол» фракциясының отырысында айтылған деректер бойынша, 10 мыңнан аса кәсіпорын жұмысын түпкілікті тоқтатты», — деп толықтырды мәжілісмен.

Депутат Президенттің несие төлемін кейінге қалдыру туралы тапсырмасын орындау аясында фракция экономиканың зардап шеккен секторлары, шағын орта бизнес үшін несие мерзімдерін ұзарту және несиелік каникул енгізу туралы ұсыныстарды қайта жіберетінін айтты.

«Осыған ұқсас, үшінші шараны ұсынамыз: пандемия аяқталғанға дейін салық демалыстарын енгізу, зардап шеккен секторларда айыппұл мен өсімпұлды жою, сондай-ақ салық төлеушілердің жағдайын нашарлататын салық салу мен басқарудың жаңа нормаларын енгізуге тыйым салу», — деп түйіндеді Перуашев.

Заңды тұлғаларды мемлекеттік тіркеуден бас тартудың негіздері

Заңды тұлғаларды мемлекеттік тіркеу – еліміздегі кәсіпкерлік және қоғамдық...

Former French Ambassador Lectures at Narxoz University

At my invitation, French diplomat Mr Pierre Andrieu visited...

Бывший посол Франции прочитал лекцию в Университете Нархоз

По приглашению Школу права и государственного управления (ШПиГУ) Университета...

Францияның бұрынғы елшісі Нархоз университетінде дәріс берді

Нархоз университетінің Құқық және мемлекеттік басқару мектебіне (ШПиГУ) француз...

Мемлекеттік қызметші — ел айнасы

Мемлекеттік қызметші–мемлекеттік органда Қазақстан Республикасының заңнамасында белгіленген тәртіппен республикалық...