Қазақстанда мемлекеттік қызметке қабылдауға мораторий енгізу жоспарлануда. Мемлекеттік қызмет департаментінің директоры Жарқын Тілеукенов қаулы қарастырылып жатқанын айтты, деп хабарлайды Stan.kz ақпарат агенттігі.
«Иә, жарлықтың тиісті жобасы қарастырылуда. Осы жоба аясында 1 шілдеге дейін қызметке тұруға мораторий енгізу мәселесі қарастырылуда», — деді Тілеукенов.
Сондай-ақ, ол азаматтардың өтініштерін «бір терезе»қ ағидаты бойынша қарауға мүмкіндік беретін жүйе әзірленіп жатқанын айтты.
«Жүйе шағымдар мен өтініштерді ХҚКО-дағы сияқты қарауға мүмкіндік береді», — деді Тілеукенов.
2020 жылдың бірінші қыркүйегінде Қазақстан президенті Қасым-Жомарт Тоқаев мемлекеттік қызмет істері агенттігіне таяудағы екі жыл ішінде мемлекеттік қызметшілер штатын 25%-ға қысқартуды тапсырды.
