Қазақстан коронавирус бойынша «қызыл» аймаққа жақындап келеді, — деп хабарлайды Tengrinews.kz тілшісі ВАК-қа сілтеме жасап.
29 наурызда жарияланған эпидемиологиялық жағдайды бағалау матрицасы Қазақстан «сары» мен «қызыл» аймақтардың шекарасында екенін көрсетті. Оның жанында бірнеше күннен бері Қарағанды облысы тұр.
Матрица мәліметтері бойынша, 29 наурызда Нұр-Сұлтан, Алматы қалалары, Атырау және Батыс Қазақстан облыстары әлі де «қызыл» аймақта.
«Сары» аймақта — Ақтөбе, Алматы мен Қарағанды облыстары.
Қалған өңірлер — «жасыл» аймақта.
Еске салайық, Қазақстанда кейінгі тәулікте 1492 адамнан COVID-19 анықталған болатын.
