Атырау облысында сотталғандарға медиасауаттылық курсы өткізілді

Ағымдағы жылдың мамыр айының 14-да өзара түсіністік пен ынтымақтастық туралы меморандум аясында Халел Досмұхамедов атындағы Атырау университеті жазасын өтеуші сотталғандарға арналған қысқа мерзімді “ медиа сауаттылық” курсы ұйымдастырылып өткізілді.
Курстың негізгі мақсаты – сотталғандардың сыни ойлау қабілетін арттырып, ақпарат көздерін дұрыс сараптау, жалған ақпаратты ажырата білу және қазіргі ақпараттық қоғамда сауатты әрекет ету дағдыларын қалыптастыру.
Медиа сауаттылық курсын университеттің мамандары жүргізіп, қатысушыларға бұқаралық ақпарат құралдарының жұмыс істеу принциптері, әлеуметтік желілердегі ақпараттық қауіпсіздік, фейк жаңалықтардан қорғану жолдары туралы жан-жақты мәлімет берілді.
Шара соңында қатысушы 21 сотталған азаматшаға сертефикат берілді.