Қасым-Жомарт Тоқаев шетелге заңсыз шығарылған қаржыны қайтару бойынша комиссия құрды, деп хабарлайды Stan.kz ақпарат агенттігі.
«Президент Қасым-Жомарт Тоқаевтың Жарлығымен мекемеаралық комиссия құрылды. Бас прокурор жетекшілік ететін бұл комиссия Қазақстаннан шетелге заңсыз жылыстатылған қаржыны елге қайтару бойынша кешенді жұмыс жүргізетін болады», — делінген Борт №1 Telegram-арнасы жариялаған хабарламада.
Мемлекет басшысы комиссия жұмысын жеке өзі бақылайды.
Айта кетейік, бұған дейін Қасым-Жомарт Тоқаев Парламент Мәжілісінің отырысында Үкіметке ол барлық күмәнді транзакцияны тексеруді тапсырған еді.
