Астана қаласының адам құқықтары бойынша өкілдігі №64 мекемесінде қамаудағылармен бірлескен қабылдау өткізді. Бұл шараға «Достық» емханасының басшылығы, тергеу изоляторының (Тергеу абақтысы) басшылығы және Астана қаласының адам құқықтары бойынша өкілдіктің өкілі қатысты. Кездесудің басты мақсаты – қамаудағылардың құқықтарын қорғау мәселелерін, соның ішінде медициналық көмекке қолжетімділік пен мекемедегі тұру жағдайларын талқылау болды.
Қабылдау барысында көтерілген басты мәселелердің бірі – қамаудағыларға уақытында және сапалы медициналық көмек көрсету болды. Әсіресе денсаулық мәселелері туындаған қамаудағы А. есімді тұлғаның ауруханаға жатқызылуы мәселесі талқыланды. Кездесу нәтижесінде А. есімді қамаудағы адамға дәрігерлердің қайта консилиумын өткізу туралы шешім қабылданды, бұл оның емделу жолдарын айқындауға мүмкіндік береді.
