2024 жылғы қазан айының 1-жұлдызында Астана қаласы бойынша ҚАЖ департаменті бастығының орынбасары Ажиханов Нұрғали Еркінбекұлының қолдауымен мекеменің тәрбие және кадр жұмысы бөлімінің қызметкерлері, Астана қаласы бойынша ҚАЖ департаменті Ардагерлер кеңесінің төрағасы Жамалов Жаңаөмір Кенжебайұлына арнайы барып, бүгінгі маңызды күн «Қариялар күнімен» құттықтады. Ардагерге мықты денсаулық, отбасына амандық тілеп, игі құттықтауларын жеткізді. Сонымен қатар, ҚАЖ департаментіне қосқан баға жетпес үлесі, бөліскен мол тәжірибесі мен еңбек сіңірген табысты жұмысына алғыс білдірді.
Біз ҚАЖ қызметкерлері осы күні жақындарыңызға және жасы үлкен адамдарға және қарияларға ерекше назар аударуға шақырамыз. Жылы сөздер, көңіл мен қамқорлық олар үшін нағыз сыйлық болсын. Өйткені, кейде жылулық пен қамқорлықтың қарапайым көрінісі үлкен қуаныш әкелуі мүмкін екендігін ұмытпайық.
