Астана қаласы бойынша Қылмыстық-атқару жүйесі департаментінің №2 мекемесінде Қазақстан Республикасы Конституциясының 30 жылдығына байланысты жарияланған рақымшылық заңы іске асырыла бастады.
2025 жылғы 17 шілдедегі жағдай бойынша аталған заң аясында 2 сотталған мекемеден босатылды. Олар бостандыққа шығу мүмкіндігі үшін ризашылықтарын білдірді.
№2 мекеме бастығы, әділет подполковнигі Н. Ходжабек бұл шараға қатысты былай деді:
«Рақымшылық – бұл тек босату ғана емес, бұл – түзелу жолына түскендерге берілген нақты мүмкіндік. Барлық жұмыс заң талаптарына сай, белгіленген тәртіппен жүргізілуде».
Рақымшылықты қолдану жұмыстары жалғасуда.
