Тараз қалалық прокуратурасымен Жамбыл облысы бойынша ҚАЖД Тараз қалалық 2 пробация қызметі бірлесіп Тараз қалалық 2 сотында ашық сот отырысы өткізілді.
Сот отырысында сотталған К -ның бас бостандығынан шектеу жазасының өтелмеген бөлігін бас бостандығынан айыру жазасына ауыстыру мәселесі қаралып, аталған ұсыным қанағаттандырылды.
Сот отырысына 10 сотталған қатысып жаза өтеу барысында жаза өтеу шарттарын бұзбау үшін сабақ алды. Жалпы жыл басынан бері Тараз қалалық 2 сотына жаза өтеу шарттарын бұзған 42 сотталғанға қатысты бас бостандығынан шектеу жазасының өтелмеген бөлігін бас бостандығынан айыру жазасына алмастыру мәселесін шешу үшін ұсыным жолданды. 21 сотталғанға қатысты ұсыным қанағаттандырылды. Ашық сот отырысының мақсаты бостандықта жүріп жазасын өтеуге мүмкіншілік берілген сотталғандарға, жаза өтеу шарттарын бұзбауға ой салу және қайта қылмыс жасаудың алдын алу болып табылады.
Жамбыл облысы бойынша ҚАЖД Тараз қалалық 2 пробация қызметі бөлім бастығының орынбасары әділет капитаны А.Б. Сихымбаева
