Алматы 1 станциясындағы Желілік полиция басқармасы қызметкерлері жедел-іздестіру іс-шараларын жүргізу барысында Шамалған-Жыңғылды учаскесінде темір жолдан бес метр қашықтықта қараусыз қалған ғимаратта 12 калибрлі «Форд 500» маркалы тегіс ұңғылы (номері өшірілген) қару, 60 патрон, бронжилет және «Хиотей» маркалы радиостанция тәркіледі. Қару-жарақ пен оқ-дәрілер көрпеге оралып, қоқыс пен құммен жабылған.
«Аталған факті бойынша ҚР Қылмыстық кодексінің 287-бабы (Қару мен оқ-дәрілерді заңсыз сақтау) бойынша сотқа дейінгі тергеу басталды.
Қазіргі уақытта қару-жарақ пен оқ-дәрілерді сақтауға қатысы бар тұлғалар анықталуда. Алынған заттай айғақ сараптамаға жіберілді», — деді Алматы 1 ст. ЖПБ бастығының орынбасары полиция полковнигі Жарас Тілеубекұлы Әбдіқайымов.
Алматы 1 ст. ЖПБ
