Ағымдағы жылы біздің мемлекетіміз Ұлы Отан соғысындағы Жеңістің 77 жылдығын тойлағалы отырмыз. Атаулы мереке қарсаңында Қызылорда станциясындағы желілік полиция бөлімінің қызметкерлері Ауған соғысының және ішкі істер органдарының ардагері Нуртазаев Ораз Асанхановичтың мекен-жайына барды. Ардагер әңгіме барысында Ауған соғысында басынан өткен қиын кезеңдер жайында айтып берді. Полиция қызметкерлерімен ардагерге азық-түлік пакеті мен сыйлықтар тапсырылды. Сондай-ақ ардагердің көңілін көтеру үшін, полиция кіші сержанты Д.Шылмырзаевтың орындауында патриоттық әндер айтылды. Кездесу соңында полиция қызметкерлері ардагермен естелік суретке түсті.
Қызылорда ст. ЖПб
