12 маусым - Жалпыұлттық аза тұту күні

spot_img
spot_img
spot_img

Алматылықтар 13,3 млрд теңгенің дәрісін тегін алды

2022 жылдың 7 айында алматылықтар амбулатория деңгейінде 13,3 млрд теңгенің дәрі-дәрмегімен қамтамасыз етілген. Бұл туралы бүгін брифингте Медициналық сақтандыру қоры Алматы филиалының директоры Тілеухан Әбілдаев хабарлады.
Айтуынша, сақтандыру енгізілгелі бері Алматы тұрғындары медициналық қызметтерді белсенді пайдаланып келеді. Соның ішінде медициналық қызмет көлемі ғана емес, сырқат түрлеріне қарай берілетін дәрі-дәрмек саны да бірнеше есе артқан.
Бүгінде тұрғындар белгілі бір сырқаттар бойынша тегін медициналық көмек және сақтандыру пакеттері шеңберінде тегін дәрі-дәрмек ала алады. Оның ішінде әлеуметтік маңызы бар, созылмалы және жедел аурулар, коронавирус инфекциясына шалдыққандарға берілетін дәрілер де бар.
«Өткен 7 айда Алматы қаласы бойынша тегін медициналық көмек пакеті бойынша 149 мыңнан астам пациент дәрі-дәрмекпен қамтамасыз етілген. МӘМС пакеті бойынша195 мыңнан астам ересек, 19 мыңға жуық бала тегін дәрі-дәрмек алды», — деді филиал басшысы.
Тегін дәрі-дәрмек кімдерге беріледі?
Тегін медициналық көмек пакетінде:
Диспансерлік есепте тұрған Қазақстан азаматтары, ықтиярхаты бар шетел азаматтары 50 түрлі дерт бойынша дәрі-дәрмекпен қамтамасыз етіледі.
МӘМС пакетінде:
Белгілі бір сырқатына байланысты диспансерлік есепте тұрған, сақтандырылған азаматтар қамтамасыз етіледі. Сақтандыру пакеті арқылы ересектерге 50 нозология, балаларға 73 нозология бойынша дәрі тегін беріледі.
Дәрі-дәрмек 18 жасқа толмаған балаларға дәрігер тарапынан диагнозы нақтыланғаннан кейін беріледі.
Тегін дәрі алу үшін не істеу қажет?

• Алдымен емханаға тіркелу керек
• Диспансерлік бақылауға алынатын сырқаты болса тиісті есепке тұру қажет
• Учаскелік дәрігер/терапевт немесе емдеп жатқан салалық маманнан дәрі-дәрмекке рецепт алады.
Тегін медициналық көмек және МӘМС пакеті арқылы берілетін дәрілік заттардың нақты тізімімен мына сілтеме арқылы танысуға болады: https://adilet.zan.kz/rus/docs/V2100023885#z47

Трудоустройство осужденных

27.03.2024 г. сотрудниками службы пробации Ауэзовского района г.Алматы совместно...

Дәстүрлі «100 өлең» байқауы өтеді

ASSYLTAS қоғамдық қорының «100 өлең» жобасы биыл Сәкен, Ілияс,...

Бірлігі мықты бөлім

Алматы қаласы, Алматы және Жетісу облыстары бойынша қылмыстық-атқару жүйесі...

Тілі бірдің тілегі бір

Қазақ тілі Қазақстан Республикасының мемлекеттік тілі болып Конституциямен бекітілді....

Аумақтық соттылық өзекті өзгеріс

2021 жылғы 20 желтоқсанда «Қазақстан Республикасының кейбір заңнамалық актілеріне...