2023 жылы Алматы әкімдігі «Атакент» аумағын қалпына келтіру және абаттандыру жұмыстарын жүргізеді. Бұл туралы Алматы қаласының әкімі Ерболат Досаев Бостандық ауданының тұрғындарымен кездесуінде айтты, — деп хабарлайды Tengrinews.kz тілшісі.
Тұрғындардың бірі «Атакент» аумағының қараусыз қалғанын айтты.
«Атакент мәселесі бойынша: белгілі бір уақыт иесіз қалған жерлерімізді коммуналдық меншікке қабылдадық. «Атакентті» қалпына келтіруге, оны қосымша абаттандыруға жеке жоба дайындалып жатыр. Келесі жылдан бастап бұл аумақты жаңғырту мен реконструкциялауды бастаймыз», — деп жауап берді Ерболат Досаев.
