12 маусым - Жалпыұлттық аза тұту күні

spot_img
spot_img
spot_img
0.00₸

Корзина пуста.

Қазақстанда 3 миллион гектар жайылым заңсыз берілген

Қазақстанда 3 миллион гектар жайылым заңсыз берілген. Бұл туралы Бас прокуратура өкілдері мәлімдеді, — деп хабарлайды Tengrinews.kz тілшісі.

Ведомство мәліметінше, тек соңғы 3 жылдың ішінде прокурорлар 18 миллион гектар бос және 3 миллион гектар заңсыз берілген жайылымды анықтады, олардың 5 миллион гектары мемлекетке қайтарылып, 4 миллион гектары айналымға тартылды.

«Жұмыс нәтижелері учаскелерді игеруге мүмкіндігі жоқ адамдар жердің жасанды тапшылығын тудыратынын көрсетті. Осы себепті адал фермерлер мен ауыл халқы жайылымдарды пайдалану мүмкіндігінен айырылады, бұл уақыт өте келе олардың тозуына алып келеді», — делінген хабарламада.

Бүгінде елімізде шамамен 15 миллион гектар қоғамдық жайылым жетіспейтіні анықталды, бұл жеке қосалқы шаруашылықтардың мал жаюымен проблемалар туғызады.

«Жағдайды жақсарту үшін биыл Ауыл шаруашылығы министрлігімен бірлесіп Мемлекетке қосымша 5 миллион гектар жерді қайтару жоспарланып жатыр. Жергілікті жерлердегі шаралар бойынша әкімдіктер қоғамдық жайылымдарды басқару жоспарларын бекітті. Бұл ауылдық елді мекендер маңындағы жайылымдық жерлерді жеке адамдарға беруге жол бермеуге мүмкіндік береді», — деді ведомство баспасөз қызметіндегілер.

Жайылымдарды беру кезіндегі бұзушылықтар және тиісті бақылаудың жоқтығы үшін прокуратура органдарының қадағалау актілері бойынша 520 лауазымды адам, оның ішінде 42 адам мемлекеттік қызметке кір келтіретін әрекеттері үшін тәртіптік жауаптылыққа тартылды.

Еске салайық, сәуірде Қазақстан мемлекетке қайтарылған пайдаланылмай жатқан ауыл шаруашылығы жерлерін төрт есеге ұлғайтуды жоспарлап отырғаны хабарланған болатын.

Ата Заң – әділдік пен тұрақтылық кепілі

Қазақ елінің ең маңызды заңды құжаты, мемлекеттің даму бағыттарын...

Үкімет жаңадан құрылған Абай облысына жан-жақты қолдау көрсетеді

Премьер-министр Олжас Бектенов бұл туралы Үкімет отырысында айтты. «Үкімет мүшелеріне...

Тағы 4 қатысушы Түркі елдерінің тау курорттары одағына қосыла алады.

2025 жылғы 11-13 шілде аралығында Шахдаг (Әзірбайжан) туристік орталығында...