Алматыда ірі көлемде «Септохим» маркалы дезинфекция затын заңсыз дайындау және сату дерегі анықталды, — деп хабарлайды Tengrinews.kz тілшісі ҚМА мәліметіне сілтеме жасап.
«Жедел іздестіру шаралары барысында бұл өнімді заңсыз өндірген тұлғалар ұсталып, кәсіпорын кеңсесі мен өндірістік цехы анықталды. Іздестіру шаралары нәтижесінде әрқайсының сыйымдылығы 5 литрлік 300-ден аса бөтелке табылып, тәркіленді. Заңсыз өндірілген және өткізілген контрафактілік «Септохим» маркалы дезинфекция затынан келтірілген материалдық залал сомасы 20 миллион теңгеден асады», — делінген хабарламада.
Қазір бұл дерек бойынша соталды тергеу амалдары жүргізіліп жатыр.
