Нұр-Сұлтан қалалық тергеу сотның баспасөз қызметі журналист, блогер Махамбет Абжанның екі айға қамауға алынғанын жеткізді, деп хабарлайды Stan.kz ақпарат агенттігі.
Бұлтартпау шарасын таңдау соты бес сағаттан астам уақытқа созылып, нәтижесінде екі айға қамауға алынды.
Қазақстандық журналист Махамбет Абжанды 3 шілде күні сыбайлас жемқорлыққа қарсы іс-қимыл агенттігінің қызметкерлері ұстаған болатын.
Махамбет Абжан желілік басылымды құрушы болып табылады. Оның желідегі ақпарат тарату бағыты тергеулер, репортаждар болып белгіленген. Telegram-дағы Абжан каналына 19 мыңға жуық жазылушы тіркелген.
