28 C
Алматы
Среда, 18 мая, 2022
spot_img

Ақтөбеде есепте тұрған азамат бизнес жобасын қорғап, 1 млн 225 мың теңге қайтарымсыз грант ұтты

Ақтөбе облысы бойынша ҚАЖД Ақтөбе қаласының Алматы аудандық пробация қызметінің есебінде тұрған азамат, “сүт өнімдерін дайындау және өткізу” бойынша бизнес жобасын қорғап, 1 млн 225 мың теңге болатын қайтарымсыз грант ұтты.

Бизнес жобаларды қарайтын комиссия отырысында барлығы 7 жоба ұсынылған болса, оның ішінде Ақтөбе қаласының Алматы аудандық пробация есебінде тұрған сотталғанның бизнес-жоспары мақұлданып, оның кәсібін дамытып, кәсіпкер атануына осылайша мүмкіндік берілді.

“Пробация қызметінің есебінде тұрған азаматтардың пробация қызметкерлерінің ықпалымен әлеуметтік бейімделуі, яғни жұмысқа орналасуы немесе өз кәсібін ашулары олардың қоғамға тез бейімделіп, қайта қылмыстың алдын алуға көмектеседі,”- дейді Ақтөбе облысы бойынша ҚАЖ Департаментінің баспасөз хатшысы Гүлфайруз Төремұратова.

Айта кету керек, бұған дейін пробация есебінде тұрған сотталған Ақтөбе қаласының Алматы аудандық пробациясы қызметкерлерінің қолдауымен “Атамекен” ҰКП- ның “Бизнес-бастау” жобасы бойынша кәсіпкерлік негіздері курстарында білім алған болатын.

Басқада | О других

Жаңалықтар | Новости