Президент Қасым-Жомарт Тоқаев елдегі бірлікке, сондай-ақ Қазақстанның тәуелсіз саясат жүргізу құқығына нұқсан келтіруге тырысып жатқан арандатушылар туралы айтты, — деп хабарлайды Tengrinews.kz тілшісі.
«Біз арандатушылар қай жерде өмір сүрсе де, қандай төлқұжат артына жасырынса да, қандай тога киіп жүрсе де, біздің бірлігімізді, мемлекетіміздің тәуелсіз саясат жүргізу құқығын бұзбауы керек және бұза алмайды. Бейбітшілік пен бірлік біздің құндылықтарымыз екенін бәріміз ұмытпауымыз керек, оларсыз болашағымыз жоқ. Қазақстаннан басқа біздің Отанымыз жоқ және бола да алмайды», — деді Президент Қазақстан халқы Ассамблеясының XXXI сессиясында.
Сондай-ақ, Мемлекет басшысы арнайы қызметтің тапсырмасы бойынша Қазақстанда тіл патрульдері ұйымдастырылғанын айтқан.
