Біріккен Ұлттар Ұйымы Украинада мыңнан аса тұрғынның мерт болғанын мәлімдеді, деп хабарлайды Stan.kz ақпарат агенттігі.
Адам құқығы бойынша кеңесте ұсынылған деректерге сәйкес, тағы 1800 адам жарақат алды, олардың 100-ге жуығы балалар.
Тұрғындардың басым бөлігі ауыр артиллерия мен реактивті жүйелер шабуылынан қаза тапқан. Кеңесте мерт болғандар саны бұдан да көп болуы мүмкін екенін айтылды. Себебі атыс жүріп жатқан кей аймақтардан ақпарат кеш жетеді екен.
Айта кетейік, бұған дейін АҚШ президент Джо Байден Путинді «қасапшы» деп атаған болатын. Сонымен қатар ол әлемнің демократия үшін ұзақ күреске дайын болуы мүмкін екенін мәлімдеді.