26 қаңтарда сағат 00:00-ден бастап Алматы, Жамбыл облыстары мен Алматы қаласында лаңкестікке қарсы операция режимі және лаңкестік қауіптіліктің «қызыл» деңгейі жойылды, деп хабарлайды Stan.kz ақпарат агенттігі.
26 қаңтарда сағат 00:00-ден бастап бұл аймақтарда террористік қауіптің жоғары «қызғылт сары» деңгейі белгіленді.
Нұр-Сұлтан қаласында лаңкестік қауіптіліктің жоғары «қызғылт сары» және Батыс Қазақстан облысында орташа «сары» деңгейі сақталады.
Сондай-ақ, 26 қаңтарда сағат 00.00-ден бастап Қарағанды облысы мен Солтүстік Қазақстан облысының Балқаш қаласында лаңкестік қауіптіліктің орташа «сары» деңгейі жойылды.
Қазіргі шектеулер аясында тәртіпсіздіктерді ұйымдастырушылар мен қатысушыларды анықтау бойынша жедел іздестіру шаралары жалғасып жатқаны атап өтілді.
«Қару мен жарылғыш заттарды анықтау мақсатында құқық қорғау органдарына көліктердің қозғалысын бақылауға және оларды тексеруге рұқсат етілді», — деп атап өтті терроризмге қарсы күрес жөніндегі республикалық жедел штаб.
