Бұл туралы қаланың бас мемлекеттік санитарлық дәрігері Жандарбек Бекшин хабарлады.
Оның айтуынша, сауда орталығында жұмыс істеуге рұқсат қаладағы жағдай толық зерттелгеннен кейін берілген. Сонымен, 26 қазаннан бастап сауда және ойын-сауық орталықтары, сауда үйлері (бутиктер), сауда желілері сенбіде жұмыс істей алады. Алайда ғимарат 30 пайыздан артық толы болмауы керек, әр келушіге кемінде төрт шаршы метрден орын болуы керек.
Сондай-ақ, сауда ойын-сауық орталықтарында немесе бөлек үй-жайларда орналасқан қоғамдық тамақтану объектілерін пайдалануға рұқсат етіледі. Алайда, ол жерде де орындар 50 пайыздан артық толы болмауы керек. Ұжымдық іс-шараларды өткізуге де тыйым салынады.
«Біз бұл мәселені мұқият зерттедік, өйткені халықтың денсаулығы бәрінен маңызды. Жағдайдың қаншалықты қауіпсіз екенін түсінуіміз керек еді. Жағдайды ескере отырып, біз бүгін ғана сауда ойын-сауық орталығы мен кинотеатрлардың жұмысына рұқсат беру туралы шешім қабылдадық», — деді Бекшин.
Естеріңізге сала кетейік, бұған дейін Алматы қаласының бас санитарлық дәрігері қалада кинотеатрлар ашуға рұқсат берген болатын.
