Бүгін Еңбек күнінің қарсаңында ҚР Кәсіподақтар федерациясының төрағасы Сатыбалды Дәулеталин праймериз қатысушыларымен онлайн кездесу өткізеді. Биыл ел тарихында алғаш рет өткелі отырған «Нұр-Отан партиясының» праймеризіне қатысуға ҚРКФ-ның 2,7 мың-нан астам өкілі өтініш берген.
Елордада оффлайн режимінде ұйымдастырылатын кездесуге өңірлерден 60-тан астам үміткер және ҚРКФ-ның орталық аппаратының өкілдері қатысқалы отыр. Олар: ҚРКФ төрағасының орынбасары Н.Өтешов, ҚРКФ Халықаралық қатынастар бөлімінің бастығы Шерзот Пулатов, «YNTYMAQ» шағын және орта бизнес қызметкерлерінің салалық кәсіподағының төрағасы Қайрақбай Жанабеков, ҚР Білім және ғылым қызметкерлерінің салалық кәсіподағы төрағасының орынбасары Әлия Әбиева сонымен қатар, эколог Лаура Мәлік.
Өңірлердегі праймеризге үміткерлер zoom онлайн видео-конференция платформасы арқылы қатысады.
Кездесу Қазақстанда қыркүйек айының соңғы жексенбісінде атап өтілетін Еңбек күніне орайластырылған. Мереке Республика Президентінің Жарлығымен 2013 жылдың қараша айынан атап өтілуде. Мұндағы мақсат: Тұңғыш Президент-Елбасының Жалпыға ортақ Еңбек Қоғамын құру туралы идеяларының аясында өнімді еңбекті ынталандыру, жастар арасында жұмысшы мамандықтарын насихаттау мен жұмысшы әулеттерінің көпжылдық дәстүрлерін нығайту болып табылады. Кездесуге қатысушылар — кәсіподақ белсенділері өз тәжірибелерімен бөлісіп, сайлауалды тұғырнамаларындағы негізгі басымдықтарын айқындайды.
