Отбасыңыздың жаңа мүшесінің өмірге келуін күтіп жүрсіз бе? Олай болса, бұл ақпарат сіз үшін пайдалы болмақ. Өйткені, «жүктілікке және босануға байланысты әлеуметтік төлемді» үйден шықпай-ақ ресімдей аласыз.
Ресімдеу жолдары қандай?
EGov порталында авторизациядан өткен соң, бастапқы беттен «электрондық өтініштер» сервисін тауып, «Жүктілігіне және босануына орай табысынан айырылуына байланысты әлеуметтік төлемақы тағайындау» қызметін таңдаңыз. Өтінішті алушы ретінде «Азаматтарға арналған үкімет»МК» КЕАҚ көрсетіңіз. Бұдан әрі өтінішті, жеке куәлікті, уақытша еңбекке жарамсыздық парағын, банктік шот нөмірі туралы құжатты қоса тіркеңіз. Соңында өтінімге өзіңіздің ЭЦҚ-мен қол қойыңыз.
8-30 жұмыс күні ішінде порталдағы жеке кабинетіңізге жауап келеді.
Сілтемесі: https://egov.kz/cms/kk/services/citizen_and_the_government/e_app