Балалардың жүздерінен шаттық күлкісі кетпей, болашақтарының жарқын болуына ана мен әке жауапты екені мәлім. Сол себепті, әр ата- ана бар тәттіні бала-шағасына беріп, олардың жан жақты, тәрбиелі саналы болып ер жетуі үшін бар күш жігерін салады. Мұндайда ата-ананың баласынан жырақта болмауы, осылайша тәрбиесіне ықпал етуі айрықша маңызды.
Ал түзеу мекемелерінде жазасын өтеп жатқан ата-аналардың балақайларына деген ыстық сағынышын сөзбен айтып жеткізу мүмкін емес шығар.
1-ші маусым Халықаралық балаларды қорғау күні мерекесінде Жамбыл облысы бойынша қылмыстық-атқару жүйесі департаментіне қарасты ЖД-158/1 мекемесінде жазасын өтеп жатқан сотталған азаматтар бейнебайланыс арқылы жүздесіп, ұл-қыздарын мерекесімен құттықтады.
Аталған іс-шараның басты мақсаты- балғындарға қуаныш сыйлау әрі сотталғандар арасында отбасылық байланысын жандандыру, оның түзелу процесінде ықпал етуге бағытталған тәрбиелік жұмысты жандандыру.
Төрехан Түсіпбеков,
ЖД-158/1 мекемесінің теологы әділет капитаны
