Оң нәтижеге бағытталған онлайн сабақ

Еліміздегі төтенше жағдай режиміне сәйкес, діни бірлестік өкілдері мен дін мәселелері бойынша зерттеу орталығының мамандарының түзеу мекемелеріне кіруі тоқтатылған болатын. Сол себепті, Жамбыл облысы бойынша ҚАЖ департаментіне қарасты түзеу мекемелеріндегі сотталғандар және айыпталушылармен атқарылатын жұмыс онлайн режимге көшті.
Осындай бейнебайланыс сеанстарының бірі ЖД-158/1 мекемесінде өткізілді. Онлайн сұхбат барысында тергеудегі азаматтарға аталған мекеменің теологы әділет капитаны Төрехан Түсіпбеков, Тараз қаласы әкімдігінің дін мәселелері бойынша зерттеу орталығының инспекторы Әбілқайыр Сабырұлымен бірлесе отырып, дәріс өткізді.
Жамбыл облысы бойынша ҚАЖ департаментінің баспасөз қызметі