Қандай ауруға шалдыққанда көлік жүргізуге болмайды? Дәрігер кеңесі

Жүрек-қан тамыры аурулары бар адамдар үшін көлік жүргізу қауіпті болуы мүмкін. Сондай-ақ, катаракта, глаукома және инсульт алған адамдарға көлік жүргізбеген жөн. Бұл туралы терапевт дәрігер Андрей Звонков айтты, — деп хабарлайды Tengrinews.kz тілшісі URA.RU сайтына сілтеме жасап.

Дәрігердің айтуынша, жүрек ырғағының бұзылуы өте қауіпті.

«Егер адамда аритмия немесе жүрек ырғағының күрделі бұзылу түрлері болса, олар жолаушы санатына ауысқаны дұрыс. Кәсіпорындарда гипертониямен ауыратын жүргізушілердің қан қысымы 140-тан жоғары болса, оларды желіге шығармайды. Ал күнделікті өмірде әркім өз ойынша тәуекелге барады. Қан қысымы 200 де 100 болса, ол адам мұны білмей қалуы мүмкін. Ол рөлде отырған кезінде де аяқ асты есінен танып қалуы мүмкін», — деді Звонков.

Сондай-ақ, көру қабілеті бұзылған және инсульт алғаннан кейін көлікті жүргізбеген дұрыс, деп кеңес берді терапевт.

«Глаукома кезінде түсті қабылдау қатты өзгеруі мүмкін. Катаракта кезінде көру өрістері түсіп кетеді. Инсульттан кейін де көлік жүргізбеген дұрыс. Егер оңалту аяқталған болса, науқас өзін қалыпты сезінеді, оның реакциясы зардап шекпеген болса, невропатологпен кеңескеннен кейін көлік жүргізе алуы мүмкін. Сондықтан, жүргізушінің жағдайын психоневролог, невропатолог тексеруі керек», — деді дәрігер.

Сонымен қатар, дәрігер қандай дәрі-дәрмектерді ішкеннен кейін көлік жүргузі қауіпті екенін айтты. Звонковтың айтуынша, орталық жүйке жүйесіне әсер ететін барлық препараттың нұсқамасында дәріні ішкеннен кейін көлік жүргізу және қауіпті әрекеттермен айналыспау керек деген белгілер бар.

«Бұл препараттар реакцияны азайтады. Оларды тыныштандыратын дәрілер деп атауға болады. Ең танымалы — «Валокордин». Оның құрамында жүрек соғу жиілігін төмендететін валерик қышқылы және өте күшті фенобарбитал бар. Ұйықтамасаңыз онда реакция міндетті түрде баяулайды», — деп түсіндірді Звонков.

АБАЙ УНИВЕРСИТЕТІНДЕ ПОЛЯК ОРТАЛЫҒЫ АШЫЛДЫ

Бүгін Абай университетінде Польша тілі мен мәдениеті орталығының салтанатты...

Личность, аналитичность и профессионализм 

ВСЕ ПРОФЕССИИ ПОЛИЦЕЙСКОЙ СЛУЖБЫ ТРЕБУЮТ ОСОБОЙ ОТВЕТСТВЕННОСТИ, КОМПЕТЕНТНОСТИ, ПРИНЦИПИАЛЬНОСТИ...

Как толпа меняет поведение

ПРЕДСТАВЬТЕ ОБЫЧНУЮ СИТУАЦИЮ, КОГДА НЕСКОЛЬКО ЧЕЛОВЕК СТАНОВЯТСЯ СВИДЕТЕЛЯМИ КОНФЛИКТА...

Жаңа өнеркәсіптік саясат, өңдеу секторы және индустриялық-инновациялық даму

Қазіргі таңда әлемдік экономиканың даму қарқыны өндірістік технологиялардың жетілуімен,...

В ООН рассмотрят предложение Казахстана о создании международной водной организации

Предложение Токаева рассмотрят в Абу-Даби в рамках диалога о...