ҚАЖ департаменті №60 мекемесінің жеке құрам қызметкерлері әлеуметтік аз қамтамасыз етілген, отбасылардың балаларына және «Аналар үйіне» айрықша қуаныш сыйлап, жаңа жылдық сыйлықтар тарту етті. Ұйымдастырушылар арнайы тізім бойынша үй-үйді аралап базарлықтарын үлестірді. Осылайша, түрлі тәттілерге толы қорапшалар мен кәдесыйлар өз иелерін тапты.
Мекемемізде бұл шара дәстүрлі түрде осы бағытта жыл сайын ұйымдастырылып келеді.
Өз кезегінде сыйлық алған отбасылар ізгі тілектерін білдіріп, алғыстарын жеткізді.
Бүгін жеке құрам қызметкерлері шаңырағымызға келіп, балаларды бір қуантып тастады. Барлықтарыңызға алғысымыз шексіз. Қоғамымызда осындай қайырымды жандар көп болсын» деді көпбалалы ана Ақнұр.
Жеке құрам қызметкерлері балаларға керемет көңіл күй сыйлап, бір сәттік қуанышына куә болып, олардың шаттыққа кенелуі үшін қолдан келген көмектерін аямайтындарын жеткізді.
№60 мекеме баспасөз қызметі
