2025 жылы Қазақстан Республикасы Конституциясының 30 жылдығына орай жарияланған рақымшылыққа сәйкес, ІІМ ҚАЖК №64 мекемесінде шаруашылық қамтамасыз ету жасағындағы сотталғандарды босату басталды.
Амнистияға алғашқылардың бірі болып, жеңіл және орташа ауырлықтағы қылмыстар үшін сотталған, түзету мекемесінде үлгілі тәртібімен және белсенді еңбегімен көзге түскен азаматтар ілігуде.
Солардың бірі — Безштанько Данила Сергеевич. Оны бостандыққа шығару кезінде анасы мекеме әкімшілігіне және мемлекетке алғысын білдіріп, мұндай ізгі қадамның маңыздылығын атап өтті.
Рақымшылық заң талаптарына сәйкес кезең-кезеңімен жүзеге асырылуда. Әрбір босатылған азаматқа құқықтық және әлеуметтік қолдау көрсетіледі.
